បាតុភូតរន្ទះបានសម្លាប់មនុស្សម្នាក់ និងរបួស២នាក់ នៅស្រុកក្រឡាញ់
20-May-2019 | ដោយ ពលមនសិការ
សៀមរាប៖ សមត្ថកិច្ចស្រុកក្រឡាញ់បានឲ្យដឹងថា មានហេតុការបង្កភ្ញាក់ផ្អើលមួយបានកើតឡើងដោយសារ បុរសម្នាក់បានស្លាប់ និង២នាក់ទៀតបានសន្លប់ ដោយសាររន្ទះបាញ់។ ហេតុការណ៍បានកើតឡើងនៅវេលាម៉ោង១៧ល្ងាច ថ្ងៃទី១៩ ខែឧសភា ឆ្នាំ២០១៩ ស្ថិតក្នុងភូមិឱម៉ាល់ ឃុំសំបួរ ស្រុកក្រឡាញ់ ខេត្តសៀមរាប។
សមត្ថកិច្ចបន្តថា ជនរងគ្រោះដែលបានស្លាប់ ឈ្មោះ ម៉ូត ផល ភេទប្រុស អាយុ៥៧ឆ្នាំ ទីលំនៅភូមិដំណាក់ខ្ចាស់ ឃុំសំបួរ ស្រុកក្រឡាញ់ ខេត្តសៀមរាប។ សមត្ថកិច្ចបានបញ្ជាក់ថា ក្នុងហេតុការនោះដែរក៏មានអ្នករបួសសន្លប់២នាក់ ទី១-ឈ្មោះ ម៉ូត ហ៊ីង ភេទប្រុស អាយុ៣១ឆ្នាំ និងទី២-ឈ្មោះ លីន កូននាង ភេទស្រី អាយុ២២ឆ្នាំ (ជាប្តីប្រពន្ធ) នៅភូមិអន្លង់សារ ឃុំសំបួរ ស្រុកក្រឡាញ់ ខេត្តសៀមរាប។ ករណីនេះក្រុមអ្នកភូមិនិងសមត្ថកិច្ចបានជួយសង្គ្រោះដែរតែបានតែ២នាក់ ឯម្នាក់ទៀតជួយអត់បានដោយសារសភាពធ្ងន់ធ្ងរពេក ៕
ចំនួនអ្នកទស្សនា
- ថ្ងៃនេះ1531
- ម្សិលមិញ6261
- សប្តាហ៍នេះ19911
- ខែនេះ135061
- ឆ្នាំនេះ135061
- សរុប20577517